السلام عليكم ... حياك الله عزيزي


شوف أخوي ( أولا مكان مشروع العاصمة في شرق - شارع الهلالي - بجانب برج الجوهره الجديد - بجانب برج الراية - بجانب برج الداو - ومقابل لشارع خالد بن الوليد وهو مابينهم ويتوسطهم - والمكان واسع جدا وكبير والحين شغالين فيه والحفريات عميقه جدا وهو بجانب وزارة الداخلية من على يساره .

المشروع أولا مكون من برجين ( برج طوله 70 طابق تقريبا طول برج الراية الجديد 2 وبرج آخر صغير بجانبه من ظمن المشروع ويمكن حق 20 طابق فقط ، المشروع القوي فيه أن فيه مركز ترفيهي في مثل غطاء زجاجي كبير مثل مجمع فيه مراكز ترفيهية وهي منارة جديدة للترفيه والتسوق في شرق وتعمدو يخلون مكانه في الهلالي علشان يكون يم الحمرا شوي ، تكلفة 280 ميلون دينار مبلغ كبير شوي مو وايد يعني الأبراج حاليا تقدر بحوالي 190 مليون تقريبا أو 140 مليون وهذا للناطحة بروحه فما بالك لو كانت طوله كبير 70 طابق ، المشروع يحتوي أيظا على حمامات سباحة وأشياء جديدة وحلوه أول مره تكون بالكويت بشكل عام اهيه ترفيهية .

بالنسبه للصورة تره مو واضحه حيل يعني فالواقع اهيه برجين ومجمع زجاجي فيه كل ماهو ترفيهي وايظا تجاري وتكلفة 280 مليون طبيعية ، لكن آنه ما أجزملك أن اهيه بس 2 برج أحتمال يكون أكثر من 2 برج لكن الي نعرفه الحين أن فقط برجين واحد كبير جدا والثاني صغير وينتهي طوله مع الاقتراب من الانتهاء منه سنة 2011 ويتم افتتاحه مع مشروع الحمرا سنة 2012 والحمرا 2011 .


لكن لاحظ في المقاله اهيه اصلا منقوله من جريدة القبس وكلمة أبراج شاهقه يقصدون فيها برج مو شرط ان تكون أبراج وايد ، المكان يستحمل 4 أبراج + المجمع نفسه العملاق الزجاجي لكن الي أعرفه أن عبارة عن برج 70 طابق وطوله 280 متر يعني طول برج الراية 2 تقريبا ، ومجمع زجاجي فيه كل ماهو ترفيهي جديد ونادي صحي عالمي وفيه دور سينما من شركة سين سكيب المعروفه بالكويت وليس جديدة أو تابعه للحمرا وأيظا مطاعم عالمية فاخره لكن الصورة الي انه حطيتها لكم أسمحولي مو واضحه عدل لأن أصلا اهمه ماحطو صورة واضحه عدل ولييش ماني عارف !! .

بس بالفعل المشروع قوي وحلو وانه نتظره وفيه سينما سين سكيب تقريبا 6 غرف سينما والافنيوز فيه 12 يعني هم زين بعد ، وعلى فكرة بالخليج كله اكثر سينمات بالكويت يعني بالكويت في 49 غرفة عرض سينما و غير سينما الصليبخات منعزله ، وغير سينما الحمرا الفضيعه 9 سينما في آي بي عالمية والحين هم بعد الكويت بأنتظار 4 مجمعات تسوقيه فاخره عالمية مثل مجمع الافنيوز وراح يكون فيها دور عرض سينما أيظا ، بقوقل لو كتبت ( سينما ) أول تقيم يطلع الكويت .

في شهر 5 من 2009 تفتح 3 مجمعات تسوقيه عملاقه وسنة 2010 مجمع تسوقي أيظا عملاق .

أموت وعرف من وين بييبون ناس