قامت شركة نستله بزيادة اسعار الحليب ومشتقاته:

حليب نان من سعر 1.750 الى 2.750
سيريلاك قمح من 950 الى 1300
سيريلاك فواكه+رز+عسل+تمر من دينار الى 1.500

هذا بالاضافه الى زيادة اسعار حليب نيدو و كارنيشن

ملاحظه: بعض الجمعيات عندها ستوك بالمخازن وقاعد تبيع بالاسعار القديمه بس مركز سلطان ( موزع رسمي لنستله ) حط الاسعار الجديده ( يعني من سبق لبق يشتري من الجمعيات ). مسئول مركز سلطان يقول الزياده مو منهم ، وان الحكومه قالت لشركة نستله اذا ما نزلت الاسعار راح يوقفون بيع منتجاتها بالجمعيات. بس الشركة رفضت هالتهديد لأنها عارفه اول تالي هذي منتجات صعب الاستغناء عنها والناس راح ينجبرون يشترونها بالاسعار الجديده.

مبروكين على زيادة الخمسين دينار ، مثل ما تباركنا بزيادة الخمسين على البدل إيجار

معلومة واحد قالي عنها عن الحليب وأهي معلومة أكيدة بأوربا شركات الألبان يتخلصون من الحليب الزايد برميه بالبحر مو على شان زايد عن الحاجة لا لأنهم يبون يحافظون على سعره مرتفع ، ومن الغريب أنهم اليوم يزيدون الأسعار يعني الكتكات قريبآ 200 فلس .

الله كريم الحكومه يقولون الشعب الكويتي ماعليه قاصر والدليل روح بالصيف مكاتب السياحة ماتلقى حجز ، مايدرون إن الكويتية ترانزيت للهنود وهم اللي تارسين الطيارة ، الهندي يطير من الهند يروح أمريكا على الكويتية 120 دينار أشرايكم .

لا تلومون التجار لانه عرف اشلون يبيع المنتج للمستهلك ، التاجر ما جبرك تشتري المنتج بس شاف زباين بس يتحلطمون وبدون افعال ... بعطيكم مثل حقيقي حصل في امريكا .. مثل ماتعرفون السكر سلعة اساسية في كل بيت ومن الصعب الاستغناء عنه والسكر يخضع لمضاربات بالسوق يعني مثل البورصة ، مره ارتفعت اسعار السكر بشكل جنوني مثل النفط واصبح سعره بالسوق الامريكي عالي بمعنى لما كان يكلف كل اسره 10% من الميزانية الاكل اصبح يكلفهم من 20 الى 30% واللي اجبر الزبون الامريكي انه اما يستغني عن بعض مشتريات او يقلل من الاستهلاك الشهري. بس لما صارت الظاهر اكثر شهر يعني اكتبوا بالجرايد والى اخره .. طلع بالتلفزيون اقتصادي وقال للناس غلاء السكر مو مشكلة ويمكن تفاديها بسهوله بمعنى على كل مستهلك ان يشتري بديل السكر وهو العسل (لان سعره ارخيص) واستجاب الشعب الامريكي وقل الطلب على السكر في امريكا وانزلت اسعاره تحت اسعاره السابقة.
والنتيجة بان المستهلك الواعي اذا تكاتف مع الاخرين يقدر يحل المشكله . العملية محتاجه صبر وضغط على التجار .. التجار لما يشوف المبيعات تقل شهر عن شهر بمعدل 15% يعني ارباح قلة مخزونه ارتفعه ومصاريفه زادة وراح يعرف اذا الوضع استمر راح يسكر.

المفروض اتكون حمله شعبية باعلان مقاطعة المنتجات .. مثل ما سوينها بالمنتجات الدنمركية ... والنتيجة راح اتشوفنها خلال سنة اشتر حليب كرنيش والثاني مجانا بمئة فلس.
المعلومة الأكيد انه شركة KDD رغما عن الجمعيات زادت اسعارها وتحديا للمستهلك أما شركة kdcow لازالت على اسعارها القديمة دون زيادة

الكرنيشن مقطوع من الجمعيات ؟ يقولون جشع التجار وبداية ارتفاع اسعار المواد الاساسيه
بفرع القرين رحت اشتري حليب كرنيشن ولا اشوفه مقطوع

ليش ؟ يقولون رافعين سعره الدبل

واتحاد الجمعيات معاقبته

شالسالفه ؟ الحليب ليش زادو سعره ؟؟
http://tbn0.google.com/images?q=tbn:...1/CIMG0012.jpg
حتى دجاج ساديا يقال أنه مقطوع بسبب الأسعار

اليوم بالصدفه قلت خلني اشوف اسعار الزبده لورباك الحجم الصغير اللي الوحيده اللي اتذكر سعرها


و الله انصدمت يوم شفت السعر
من 130 فلس
الحين
300 فلس



الله اكبر

بيض الصعو تسمع فيه ولا تراه

هذا حالنا مع الـ 50 دينار

زادو الأسعار بارتفاع جنوني ,,, وحطينا فوق الخمسين الوهميه خمسينات

وإلى الآن ما شفنا 50 ولا شي

مانبي 50 دينار ,,, طايره طايره ما منها فايده

نبي تكسرون جشع التجار وتراقبونهم لعبوا علينا وانهبونا ,, وعمك اصمخ

اختي المنقبة
ارجوكي لا تشتري لورباك ما نحتاج منتجات هالخايسين الدنماركييين
نصر لرسولنا وحبيبنا الكريم

نطالب برقابة الاسعار اكثر

اول كنا نجييل من الجمعيه بحدود 30 الى 40 دينار بالاسبوع

الحين يوصل 60 الى 80 دينار نفس الاحتياجات

ما تسوى علينا هالزياده الي نبي ناخذها ونحط فوقها

يعطيج العافيه المنقبه

حسبي الله ونعم الوكيل فيهم
حتي جمعية الجيش كانت اسعارهم مناسبه الحين صارت نااار ارفعوا اسعارهم
شوفوا صرفه لهالبشر
تدرون اشلون اي شركه من اي بلد كانت اذ ماتنزل اسعارها نمنع عنهم النفط

مانبي زياده نبي ضبط اسعار الزياده وقفه جديه من الحكومه مو بس كلام ه ترا هذه الزياده مامنها فايده جن مازادونا كلها ببطون التجار عساها البط اقصد التجار الجشعين وشوفو الخفجي ليش ارخص الغلاء بس حاشنا يعني والله تجارنا لاعبين فينا لا حسيب ولا رقيب

الزيادة في كل مكان بالعالم وهو امر طبيعي نتيجة التظخم الحاصل ........ علينا قبول الامر ولكن يجب مراقبة سرعة الزيادات في الاسعار......... وزارة التجارة _ مكتب حماية المستهلك عليها واجبات تجاه ذلك

هذا الزمان هو زمان البرامكه