هذه قصيدة قديمة جدا للشاعر عبدالعزيز الغصاص (من شعراء عنيزة ت 1328هـ) رحمه الله
قالها معارضة لقصيدة محمد العبدالله القاضي في وصف القهوة
وبما أن قصيدة القاضي نصفها غزل , فإن قصيدة الغصاص هذه غزلية بحتة
وواضح أنه رحمه الله شاعر فحل , ولعلنا نقدم له ترجمة في القادم القريب من الأيام بإذن الله
أرجو ممن يعرف شيئا من قصائد الغصاص أن يوافينا بها ..
وإليكم القصيدة لعلها تحرك كساد الشعر في مجلس القاضي ..
قال الغصاص رحمه الله :
سار القلم مني علـى صفـح الأوراق=بمحنتمٍ ضيق الحشا هـاض منطـوق
كلايـفٍ مـن حايـرٍ حـصٍّ أرنـاق=نضدٍ نهض من حاير الصدر منسـوق
من جـاش جهـاشِ للأمثـال نسّـاق=دولاب صدره من شقا البين مفهـوق
من ضيق متنوك الحشا شاحنٍ ضـاق=أنحى وقلبـه بالهـوى يمّـة الشـوق
يا سيد ربّـات البهـا تِلـع الأعنـاق=يا عين ريمٍ بأشهب الملـح مصفـوق
عرفٍ وعنـق وعيـن والخـد بـرّاق=نوره شعق من بين الآفـاق بشعـوق
زاهي العسيلي بالحشـا تقـل خنـاق=افترّ ومن صخف المهوضم به الضوق
حلو اللمى مدموجـة السـاق بالسـاق=حلـي الغوانـي بالدماليـج مـدقـوق
واضح ثمـانٍ لابتسـم مثـل الأوداق=كالـدر غـرٍّ مـن قماقيـم مفـلـوق
هاروت سوّى السحر بألحاظ الأرمـاق=يدعي تلف من بات بالغـي مشفـوق
سيفٍ سطا لأهـل الهـوى منـه دلاق=بين الحواجـب والحجاجيـن مدلـوق
أصفر عفـر ريـمٍ نفـر شـاف دراق=هارب رشا ضامر حشا زاهي الطـوق
ميّـال حيّـالٍ بالأعـطـاف عـيّـاق=عجّـاب لـعّـابٍ تـبـذّل بمنـطـوق
ميّاسـة الأعطـاف حوريـة أرنــاق=يـا كعبـة العشـاق قصـدٍ لمعشـوق
بالطيف نفح الطيـب لا طـاف عبّـاق=يبرد لظى واهـج حشاشـات حـاروق
من كاس كوثـر مبسـمٍ فيـه تريـاق=خمرٍ تسلسل من ثغر مبسـم الشـوق
راح ورحيقٍ علّ به عقـب مـا فـاق=من حر خدٍّ ذاب بـه عقـب منطـوق
من نور خذه شعشعت شمس الإشراق=جلباب غـدرا داجـي الليـل بغسـوق
به حصّ بـه نـورٍ للإصبـاح فـلاق=به روح به ريحان والصرف بالمـوق
إلى انخضع ثم انهصر مدمـج السـاق=خطرٍ على حجله من الثقـل والضـوق
سافـات منسـوع أتلـع الجيـد دِلاق=خانات عن منبـوز الأرداف مفـروق
غروٍ شجاني بالهوى لين لـي عـاق=هذي نهوجي كد رمانـي لـه العـوق
إلى صفا وحش الحمـى لـك بتيفـاق=عصر الطرب وسرور الأشواق بالشوق
اقطف نوايع ما صفـا لـك ومـا لاق=من قبل ما يلحق على العمر ساحـوق
دنياك مـا دامـت ليعقـوب وإسحـاق=صيّـور مطـرودٍ لـلأيـام ملـحـوق
العمـر لا بـد التلـف فيـه لـحّـاق=والشمل لا بدّه مـن البيـن مفـروق
دنيـاك لـو تعطـي عهـودٍ وميثـاق=وإلى صفت تثني لك الطـاق مطبـوق
هذا ولي قلبٍ علـى الشـوق مشتـاق=ما حق يا ميّاس الأعطـاف لـه بـوق
ترجمت ثم لْجِمت من فقـد الأشـواق=ما غير لي دمعٍ علـى الخـد مدفـوق
كني غريبٍ تاه فـي وسـط الأسـواق=مكتـوم مكظـوم العبـاري بصنـدوق
على وليـف الـروح للـروح سـرّاق=هْيامُ وغرام وواهـج البيـن حـاروق
بـ(الحمد) أسال الله و(الصف) وأعماق=طه) وسورة (ق) مـا سـار مخلـوق
يردّ لي من طفّ في عصـر الأوفـاق=بالوصـل زايرنـا شفيـقٍ لمشفـوق
أضحى الوفى توعيد عرقوب لو فـاق=ياعد ولا يافـي قريـبٍ مـن البـوق
هـذا وتسليمـي عـدد بـارقٍ حـاق=غدرا شبوبه سـاريٍ غـرق بطبـوق
على الذي طاف وخرق سبع الأطبـاق=في ليلـة المعـراج بالحـق مفـروق
آخر 10 مشاركات
01-28-2008, 11:45 AM
قصــــــــــــــيده ولـــــــــــــــــكن ؟هيضتني 
العرض العادي
