السلام عليكم ورحمة الله وبركاته هــنا سوفا ابدي معاكم بالقصائد الخالده واللى عنده اضافه من الااخوان والخوات يامية هلا وغلا بضافاته واتمنا اثراء الصفحه وليكن ديوان جامع للقصائد الخالده سوفا ابدا بمتنبي الشعر الشعبي الشاعر سلمان بن شريــــــم - يالله ياللـي عنـدك الـرزق مكتـوب
ياللي جعلت الرزق مـا صـكّ بابـه
ياعالـم النيـات ياقاضـي الـنـوب
كل عطيتـه بـاب رزق شقـى بـه
يـا رازق جنـدٍ ضعيـفٍ بـلاهـوب
وجنـدٍ عظيـمٍ مشبعـه قـدّ نـابـه
ومن الغنم شي له اذنـاب وعصـوب
واحـرّ مـا بالجـوع جـوع الذيابـه
ومن الرجال ضعوف همات واسلـوب
وكـل علـى مسعـاه رزقـه هبابـه
واحد مريح وفوقه الـرزق مصبـوب
واحـد مشيـح وكـل رزقـه نهابـه
حزبك هوالغالـب ولا هـوب مغلـوب
وأنت الذي زبن الضعيف ان لجى بـه
يا مخرج من كربـة الحـزن يعقـوب
وأيـوب عافيتـه علـى شـدّ مابـه
واللي ورا الصخره بهم ضنك وكروب
كـل سمعـت لدعـوتـه ولطـلابـه
واعطيت نوح من احسن الفلك مركوب
وابنـه تبـرا منـه والمـا غـدابـه
يا مجري الما مـن تـراب بنبنـوب
وكـل مـن الدنيـا عطيتـه حسابـه
تفرج لقلب من هوى الزيـن متعـوب
شعب العقيـد اللـي تواجـف ركابـه
قلبه رعاه الدوب والجسـم مشعـوب
جرح مخـاون بـه مـن اول شبابـه
ومن الولع يكفخ كما الطير مقضـوب
والى طرى له طاري مـا حكـى بـه
باسباب طفل طحت انا منه مصيـوب
ومـزرّف بالقلـب محـدٍ درى بــه
ترف القدم ملهوف والعنـق مسلـوب
تحفيـه مـن تـلّ الردايـف ثيابـه
والعين خرسا كنهـا عيـن يشبـوب
سـود هدبهـا مـا عليهـا ضبابـه
والخد برق بين ضبضـاب ونصـوب
ملابـس مـاه وطـهـاه وربـابـه
ومبيسم كـن العسـل فيـه مذيـوب
لولا إني أخشى قلت يلقى الـدوا بـه
ونهد كما الفنجال بالتبسـي مقلـوب
ما فرّصه راع الهـوى والتـوى بـه
الا ولا به غيـر مـا قلـت عـذروب
الا أشقـر كنّـه ثـعـول السحـابـه
عسر مقامه مـاه ماهـوب مشـروب
قلتـة غـدر مـا تغـيّـر شـرابـه
جـدّد بسيراتـه مواعيـد عرقـوب
وغديت له من عـضّ غلـث بنابـه
والله لـولا سالـفـة كــل زاروب
اللـي جزاهـم للرفـيـق السبـابـه
إني لاطـق الطـار للنـاس مقلـوب
واقـول درب الـود كـل مشـى بـه
راع الهوى قلبه عن العذل محجـوب
والى نهيته عـن طريـق عـدا بـه
مع ذا صبرت وراعي الصبر مثيـوب
بالكتب راع الصبـر يرجـي ثوابـه
وخلاف ذا يا راكب فـوق مرعـوب
حرٍّ الى انخـاط الدجـى مـا يهابـه
اسبق من اللي طالع النسـر مجـذوب
مـا فوقـه الا قربتـه مـع زهابـه
فوقـه صبـي يقطـع الـدو منـدوب
قرمٍ الى اوصل حامض العلـم جابـه
ملفاك من يبهش الى جـاه ماجـوب
عـزّ الرفيـق وحضرتـه بالطلابـه
من روس قوم جاذبـه كـل مجـذوب
ومهـذب يفـرز علـى مـا تشابـه
ماهـوب خمـع ولا بخيـل ولاهـوب
هـمّـاز لـمّـاز ولا بــه طنـابـه
عبدالله بن اللي الى صـرت مطلـوب
حطّه على يمنـاك وامسـك قضابـه
قل له يابو تسعين حاسب ومحسـوب
الحق عليـه اثنيـن يكمـل حسابـه
سلّم عليه وقل نبـي منـك منجـوب
وارفـض اليـن انـه يكمّـل كتابـه
ترا سراجه يصبح الصبـح مشبـوب
وسوالـف تـروى وفيهـا عجـابـه
وان سال عني قل ترى العقل مسلوب
بان انسلابـه يـوم شيبـه بـدا بـه
كني على ما قيـل ذيـب بضـاروب
شاف الطمع بالطعـم والله رمـى بـه
على الذي دونـه نواطيـر وقضـوب
كـل يـزهّـب بنـدقـه للحـرابـه
اول معرفتنـا طرابـات وعـجـوب
واتلاه جـرح مـا يـداوى صوابـه
غديت مـن فقـده غديـر ودغلـوب
نـشّ الغديـر ولا بقـى الا تـرابـه
ماهوب جافيني وانـا منـه منكـوب
واحب مـا حبّـه محـل وطـى بـه
وافرح بشوفه فرحة الـورع بالثـوب
وهـو يورّينـي سـرور وطـرابـه
كنه سهيل الى ادبح النسـر لغيـوب
في ليلـة ظلمـاه مـا ينسـرى بـه
ومنزّه مـا بـه عذاريـب وعيـوب
ولا به من المنقود مـا ينحكـى بـه
هاذي تواصيفه وانـا تقـل منهـوب
واسمه تعرفونه مـن اسـم الربابـه
ويش انت شايف يا ذرى كل مكـروب
اللـي الـى ذّل الذليـل ارتكـى بـه
دوّر ترى للنـاس حاجـات وذهـوب
لا تذخر الجهـده علـى كـل جابـه
تراه سنّـد والخبـر ليـس مكـذوب
عني وغيـري غافـل مـا درى بـه
من فـوق لا داج بالسـوق مجلـوب
حمـرا قضبهـا بالصريمـه قضابـه
قلت الموادع قال منتـب لنـا صـوب
وحنـا لنـا فـي كـل دار قـرابـه
من كلمته كني على الخشم مضـروب
ايّسـت مـن قربـه وهـذا جوابـه
كني على ما قيل ما يسمـع الطـوب
والى انتبه مـا جابـت الـورق جـاه
واكمالته جـرّة حليـب مـع الـروب
اسمـح ومثلـك فـاهـم بالحـرابـه
صلاة ربي عـد مـا طـار عيسـوب
علـى الـذي بلّـغ عـن الله كتابـه

سلمان بن شريم
لله دره من شاعر


عبدالعزيز
نشاط جميل ومثمر هنا

من منا ماسمع عن هالبيت دنق وحلفني عن السد لابوح = واقفى كما تقفى عن الحي روحه مع هالقطعه الذهبيه لشاعر مسلم البحيري حل الفراق وفتق الجرح لجروح =راعي الهوى يامن يداوي جروحه
عقب الطرب صرت اقضي الليل بالنوح = والدمع حرق محجر العين فوحه
بأمر الوحيد المعتلي منشي الروح =كل يجيه اللى كتب له بلوحه
اثري النصيب وماكتب لي باللوح = فرقى الذي روحه لروحى نصوحه
الجادل للي بالتواصيف مملوح =قبل امس جاني نور عيني بروحه
يقول دربك مالنا فيه مصلوح =عطني مكاتيبي بنفسٍ سموحه
صح الخبر ماهو هرابيد ومزوح = اثرك على غيري تسوق الصبوحه
ولا تحسب انك ياهوى البال مسموح = خليت قلبي كل طاريٍ يشوحه
ودنق وحلفني عن السد لا بوح =واقفا كما تقفي عن الحي روحه

مع الشاعر الفـــــــــذ حمد المغلوث وماأدراك حمد المغلوث صاحب المعلقات الشعريه النبطيه هذا الاسم انا اطلقته عليه ومع العلم قبل شهرين اهداني الآخ الكريم المهــندس خالد المغلوث كتاب شعر يحوى قصائد شاعرنا الفذ حمد المغلوث وسيرة حياته واسم الكتاب شاعر الخليج حمد المغلوث حقيقه يثري المكتبات الاادبيه وكتاب جميل جدا وهذي أحد معلقات الشاعر حمد المغلوث يارب صبرني على امرك وبلواك
...........................واجبر عزا من شاف ضيم العزاير

مثل الدريك اللي على حوض الادراك
............................. يبكي ودمعه فوق الاوجان جاير

ياعين هلي ذارف الدمع سفاك
.............................. وابكي وهاتي ما خفا من عباير

ياعين لاتبكين هذاولاذاك
................................ الا ولا فرقا الاهل والعشاير

ابكي على سمح النبا حسن الاسلاك
................................... اللي عليه مغوزر الدمع فاير

قلبي عليه من الولع فيه دكاك
................................... والحال مني خلصت بالحساير

كني ربيط الروم في وسط شياك
..................................... والا كسير موجعته الجباير

قدم العرب غادي بشوش وضحاك
.................................. والكبد يصلاها لهيب السعاير

يالله ياوالي تصاريف الافلاك
.................................. يا مطفي نار السنين العساير

يامن لعسر الشرابيك فكاك
.............................. رب السماء والي جميع البصاير

سبة عزاي وصار للروح ملاك
............................. وارخصت له عمري ومابالذخاير

يازين روحي يااريش العين تفداك
............................حيثك هواي وعن هوى الغير ذاير

علي نذر ان ولف الله لاماك
................................لاارز رايات الفرح والبشاير

واصوم لله ماتيسر لعيناك
................................ وابني لحبك بالضماير مناير

يازين ياعذب اللما كيف ابنساك
........................... والحب سلطانه على الحال جاير

يامورد الخدين محلا سجاياك
............................... ياسيد كل المترفات النضاير

يازين شفني من غرامك وفرقاك
............................... كني على جال من الجم هاير

سهر وانوح بنوح ورق على الراك
.............................مع ذا تصفقني اركون العواير

ياابومحمد يافتى الجود بنخاك
............................ يافرحت المضيوم يوم الكساير

شف لي طبيب شاطر لاعدمناك
................................. كوده يداوي علة بالضماير

والا فنا يامعدن الجود واياك
............................ نركب على ثنتين عوص حراير

يومين والثالث على الهون ملفاك
............................. هجر منازل من له القلب طاير

فالى لفينا ديرة الربع ذولاك
............................ فالوصل يطفي مالجا من زفاير

امسي وكني مالك كل الاملاك
.............................املاك سلطان الهجر والجزاير

فالى لفينا دافع الله مناياك
.......................مرخوص يامروي السيوف الشطاير

عند السياسب لابة مثل شرواك
..................................الكل منهم يحتمل للخساير

ياابو محمد عانك الله وعافاك
...........................واذراك ربي من حتوف الدواير



لشاعر الكبير حمد بن عبد الطيف

شـــــــــــــــــاعـر نــــــــــــــــــــــجد محــــــــــمد القاضي بلا منازع وغني عن التعريف شاعر عنيزة , بل شاعر نجد الكبير / محمد بن عبدالله القاضي ,رحمه الله , وقصيدته الذائعة الصّيت في " وصف القهوة " وطريقة إعدادها ..

يامـن لقلبٍ كل ماالـتمّ الاشفاق,,,,من عام الاول به دواكيك وخفوق

يجاهدجنودٍ في سـواهيج الاطراق ,,,,و يكشف له أسرارٍ كتمهابصندوق- 1

إلى عنّ له تذكار الأحباب واشتاق,,,, باله وطف بـخاطره طاري الشوق

قربت له من غاية البن مـالاق ,,,, بالكف نـاقيهاعن العذف منسوق -2

إحمس ثلاث ٍ يانديمي على ساق ,,,,ريحه على جمر الغضايفضح السوق -3

حذراك و النيةوبالك و الإحـراق,,,,واصحى تـصير بحمسةالبن مطفوق -4

الى اصفرّ لونه ثم بشّت بالاعراق,,,,وصارت كما الياقوت يطرب له الموق

وعطـّت بريح ٍفـاضح ٍفاخر ٍفـاق,,,,لا عنبر ٍريحه بالا نفاس منشـوق

دقـه بنـجر ٍ يسمعه كـل مشتاق,,,,راع الهـوى يطرب ليادق بخفوق

واحشه بدلـة مـولع ٍ كنها ساق,,,,بـلورة ٍ مـنصوبة ٍ تـقل غرنوق

خلّـه تفـوح وراعي الكيف يشتاق,,,,الى طفح له جوهرٍِ صح له لوق

أصغراقموره كالـزمرد با لأشعاق,,,,وكبارها الطافح كما صافي الموق-5

زلّـه على وضحا بها خـمسة ارناق,,,,هيل ٍ و مسمار ٍ بالأسباب مسحوق-6

مع زعفرانٍ والشمطري الى انساق ,,,,ريحه مع العنبرعلىالطاق مطبوق

إلـى اجتمع هـذا وهـذا بتـيفاق,,,,فـصبه كفيت العوق عن كل مخلوق

بفنجال صين ٍ صافي عنه الارماق,,,,تغـضي وكـرسيه غـدان ٍلمعشوق -7

الى صب فابصر جوهره تقل شبراق,,,,رنق ٍ تصور بالـحمامة على الطوق

شكل غَـرَاالفنجال صبغه كما راق,,,,دمّ الـغزال الى امـّـزع منه معـلوق- 8

خمر ٍ الى منه تـساقى بالارياق,,,,وعليه من ماء صافي الورد مـذلوق-9

راعيه كنه شارب ٍ ريق ترياق,,,,كاس الطرب واسرور من ذاق له ذوق -10

يحتاج من خمرالسكارى الى فاق,,,,طـفل ٍ يشف شفاه والعـنق مفـهوق

عبث ٍ يعيل ابـحُبة ٍ منه ما ماق,,,,وهـو يباهي باهـي البدر بشــعوق -11

في وجنتيه الى غنج بارق ٍ حاق,,,,عـجل ٍ رفيفه بالطـها الغـرق بطـبوق -12

سحر ٍكتب من حبرعينيه باوراق,,,,خـديه صـادين ٍ و نـونين من فـوق -13

كن العرق بخـدودها حـصّ ارناق,,,,نـثر عـلى صفحات بلـورة الشوق -14

إلى تبسم شع و أشـرق بالآفاق,,,,نور ٍ يفـوق البـدر سحار منـطــوق

والعنق كن المسك والورس بـراق,,,,مامشخص ٍ في صدره الشاخ مدفوق- 15

يـمشي برفق ٍ خايف ٍ مدمج الساق,,,,يفصم حـجول ٍ هزه الثقل من فوق

الى صفت لك ساعة ٍ و أنت مشتاق,,,,فاقطف زهر مالاق و العمر ملحـوق

فالى حضر ماقلت عندي فالارزاق ,,,, بيدي كـريم ٍ كافـل كل مخلــوق

والله لو يمــشي شقاق ٍ بالأسواق***مـن الملاء مايمسط الخمس مخلوق

هـذا و صلوا عـد ما ناض بـراق***أو ماشكى الفر قا شفيق ٍ لـمشفوق
يحتاج من خمرالسكارى الى فاق,,,,طـفل ٍ يشف شفاه والعـنق مفـهوق

عبث ٍ يعيل ابـحُبة ٍ منه ما ماق,,,,وهـو يباهي باهـي البدر بشــعوق -11

في وجنتيه الى غنج بارق ٍ حاق,,,,عـجل ٍ رفيفه بالطـها الغـرق بطـبوق

على النبي مـا زج زاج ٍ با لأوراق***و آلـه و صحبه عد ماسيق مـسيوق

1/السواهيج ..من سهجة: دهاه , سحقه ,و يريد بالصندوق :الصدر الكتوم لللأسرار .
2/العذف : النفاية
3/السوق: الشارع
4/الحمس : تحميص القهوة - مطفوق : متسرّع .
5/ القمور : الحبب الناتج من غليان القهوة , شبّه صغار الحبب بقطع الزمرّد , وكبارها بآماق الحدق الصافيه .
6/ الارناق : الأصناف , - المسمار : القرنفل , - الشمطري : نوع من الطيوب , - الطاق مطبوق : أي الضعف مضاعف
7/ الغدان : تخوت الثياب
8/ الشبراق : المختلط الألوان كقوس قزح , وقد أجاد في تشبيهه بلون طوق الحمامة المتعدد الألوان الممتزجة .
9/ مذلوق : مندفق .
10/ الترياق : الأفيون .
11/ الشعوق : اللمعان ,- ماق : طغى وتكبّر .
12/ حاق : صادق المطر , - الطّها : المزن , الغرْق : كثير المطر
13/ شبه الخدّين بصادين , والحواجب بنونين .
14/ الحصّ : اللؤلؤ .
15/ المشخص : الذهب , - الشاخ : الفضة , أي ماء ذهب على فضة

وكـــــــــــــــذاك هــذي قصيد لشــــــــــــاعر نجد محمد العبدالله القاضي حقيقه معلقــه من معلقات الشعر كافه غزليه رائعـــــــــه وتعتبر من دررالقصــــــــــــــــائـد الغزليـــــــــــــــــــــــــــــــــه مفجوع ياقلبٍ بدت فيه خله
مما طرى طار الكرى الجفن جافيه
بكيت لين اجريت من عبرة له
دمعٍ كما زعج الدوالي دواليه
وانتل من صفق المحاجر وهله
موقٍ هطل وبل البكا لج واديه
علمٍ لفا عن سيد روحي لعله
مما بحاله والي العرش يشفيه
جاني وفاجاني خبر علةٍ له
سو الخبر فيمن صبر لامر واليه
فزيت يوم اوحيت بالترف خله
قلت الخبر بالله ذو العرش وش فيه
قالو عليلٍ قلت روحي فداً له
ياليت مابه ينتقل بي وانا افديه
أحييت ميت النوح والوجد كله
وارخصت روحٍ سندت وادي التيه
أنحب وغربت الحيا عن محله
بالويل والولوال هام المهاميه
وعذرت قلبٍ كلما اطريت خله
يعزا له المرعوب ينهش حواشيه
يالله حبل العسر باليسر حله
باشفاك بين الكاف والنون يكفيه
( بطه) وفي ( يس) وما انزلت كله
حله وبآيات التشافي تشافيه
يامنجي يونس واظلَّه بظله
يامن دعاه ايوب واشفاه تشفيه
يامخرج يوسف من السجن حله
ويامفرج ليعقوب تفرج لغاليه
يانادبي ود الرساله وقل له
والله من ذقت الخبر طحت باكيه
كني صريعٍ دك به الف عله
ومن شاف حالي سال واقسمت ما افشيه
واقسمت ليتي بالمرض في محله
وما حل به يرفع ويوضع بداعيه
يسمح به الجسم المحرق لخله
وتخضع له الروح العزيزه وترضيه
مغرمك مايجي الدهر من هواً له
ولا ينفع القلب المحرق تمانيه
أعذرت واحضرت القلم والسجله
واد الحشا جا مكبر من معاليه
بمزاج زاجٍ ما حلا زين تله
وفريت فكرٍ كالتهامي تقافيه
وانشا غمامه من غرامه وهله
فكرٍ حضر كالدر من راي راويه
واتلفت عمرٍ هم الاحباب سله
ياعين حن القلب قومي بعانيه
نوحي وهلي والبكا ذا محله
على وليفٍ بالتصافي مصافيه
أرخصت للروح العزيزه رضىً له
والله ما انسى مامضى من حسانيه
غروٍ الى منَّه تغطرف بدله
خرت له ارقاب الملوك المداليه
الى تغطرف بالهوى لي هوىً له
دجرٍ كما غصن السفرجل تمدريه
كالبدر يوضي في سنا غرةٍ له
وزاهي اللوالو ناض من بين اشافيه
نورٍ على نورٍ لكن الشفة له
كالحص والمرجان والشهد في فيه
ياسيدي روحي غرامك يسله
وامسى فقيد الروح كافيه مافيه

هذه من قصايد الأمير:خالد بن أحمد السديري(رحمه الله)




ماجـور يـامـن صاحـبـه مـسـرفٍ فـيـه
طريـح حـبٍ مـا اهتنـى فـي شبـابـه
تلـعـب بــه الفـرقـا وتخـلـف هـقـاويـه
روابـعـه واللـيـل مــع مــن غـــدا بـــه
يتـبـع هــوى غــالٍ يصيـبـه ويخـطـيـه
بـسـهـوم حـــبٍ مــايــدواي صــوابــه
المقفـي أبـعـد عـنـه واتــرك حـراويـه
والمقبـل إفــرح بــه وقِــل يــا هـلابـه
إتبع هوى اللي ينعـش الـروح طاريـه
سـمـح المحـيـا تـايـهٍ فـــي شـبـابـه
القـلـب يطـمـع فـيـه والعـيـن ترجـيـه
رجــوى الحـيـا لـلـي ضـعـافٍ ركـابــه
هافـي حشـا ماشـال طفلـه يعجـيـه
مــخــدوم مـاقـالــوا يـخــيــط ثـيــابــه
يعطيـك مـا تعطيـه والقـلـب يسقـيـه
غــروٍ وفــا وانـقـاد حـبـل الـرجــا بـــه
هــاوي طــرب رب الخـلايـق مسـويـه
يكـفـيـه عـــن زيـــن الغـنـاديـر مـابــه
كاس الهـوى يـا بـدر كـلٍ شـرب فيـه
لا شــك مــا كــل وصــل مــا هقـابـه
أنـا الــذي حــب البـنـي غــارقٍ فـيـه
أعـــوم فـــي بــحــرٍ طــــوالٍ غـيـابــه
أسـري لهـن والليـل سـودٍ سمـاريـه
وارجــع ونـــور الـصـبـح بـــادٍ حـجـابـه
إلى اعترض لي من زهت لي معانيه
ماقبـلـي أحــدٍ لا حـبـه والـتـوى بـــه
أرخــص حيـاتـي يــم حـيّـه وأهالـيـه
مــا عـنـه ردتـنــي سـيــوف الـقـرابـه
أنعـم بوصلـه واهتـنـي فـيـه وارضـيـه
لا طـالــب غــيــري ولا بــــه طــلابــه
طابت جروح القلـب فـي قـرب غاليـه
رمـــت بـــه الأقـــدار والـحــظ جــابــه
أرمـي ظـمـاي بـذايـبٍ مــن أشافـيـه
شربـي هنـا مـا هـو بشـرب النهـابـه
إن غـاب عـن عينـي فقلبـي يراعـيـه
وان غبت سلوى خاطري في جوابـه
يـاتــل قـلـبـي تـلّــه الـغـصـن لاويـــه
تــلــة قــــويٍّ لـيّـتــه لــيـــن جــابـــه
عـلـى الــذي بـانـت بقلـبـي مهـاويـه
ســــود مـضـاريـبـه وحــمــرٍ حْــرابـــه
الصـبـر عــن شـوفـه ضـعـاف عـراويـه
والوقـت اعـده واختلـف فـي حسابـه
لـو رحـت عنـه بعيـد مـانـي بناسـيـه
هـــذا عـنــا قـلـبـي وهـــذا ذهــابــه