يعطيكم العافيه عالمنتدى المميز
راح ادخل بمشكلتي انا سعوديه وكذلك زوجي سعودي وكلنا من مواليد الكويت وعايشه هم بالكويت تزوجت بآخر شهر فبراير ومن اول شهر ماتهنيت ريلي سبق له قبل يتزوجني انه كان متزوج وصار في عده مشاكل مع زوجته الاولى وحصل الطلاق ومن ثم تزوجته وتفاجات باسلوبه التعسفي معاي
مايحب التفاهم واذا تناقشت وياه مد ايده عليي واذا ماضربني هددني يا بالضرب او بالقتل يعني انا نفسيتي تعبت تعبت حييييييييييل مو ضامنه نفسي معاه خايفه على نفسي وحياتي وديني انضربت باول شهر وثاني شهر والشهر الثالث من زواجنا بدا يخوني وتهديد واللي زاد الطين بله وخلاني ما اقدر اتحمله زياده باخر شهر مايو سافر عالبحرين وعمل مالا يرضي ربنا المشكله انه هو اللي اعترف بعد ماصار بينا مشاده كلاميه وقالي انه ماراح يتغير
انا من شهر يونيو من ثالث اسبوع ونا عند اهلي ليومنا هذا
لما رحت لبيت اهلي وطلبت طلاقي منه بالحسنى هو ووالده رفضوا ويبوني ارجع لهم المهر كامل وكذلك المؤخر
مع العلم ان مهري المقدم 4آلاف والمؤخر3 آلاف
قلتله اني مستعده اتنازل عن المؤخر ويطلقني مثل مادخلنا بالمعروف ننفصل بالمعروف لكنهم رفضوا وقالولي روحي للمحاكم وخلي المحكمه تطلقج
وبالفعل رحت ورفعت عليه دعوى طلاق للضرر
انا ماعندي دليل ضده لان اهله ماراح يشهدون ضده واهله عارفين كل شي وشافوا اسلوبه معاي وشلون كان يضربني ويقلل من احترامي
عندي بس رساله منه كان يعتذر عن ضربه لي ويقولي ان هالشي ماراح يتكرر طبعا هالرساله رسلها لي بيوم صارت فيه هوشه وضربني ورحت لاهلي ومن بعدها تدخل الاهل والجيران وحلواهالمشكله ورجعت له لكن للاسف بوطبيع ماييوز عن طبعه فهل ياترى راح تفيدني بالمحاكمه؟
انا المحاكمه حقتي الحين بعد اسبوع وجم يوم
انا جدا خايفه واول مره ادخل للمحاكم
شنو تنصحوني؟
وشلون اتصرف ؟
وشلون اكسب القضيه ؟
انا سنيه وكذلك زوجي الله يكفيني شره ويصرفه عني
وماعندي منه عيال
وجزاكم الله خيرااااااا
آخر 10 مشاركات
08-13-2008, 05:08 AM
طلبت طلاقي للضرر(ارجو الرد بسرعه) 
العرض العادي
