إحصائية العضو

اخر مواضيعي

0 امريكا تعلق على تهديد ايران 0 سمو امير البلاد يصدر مرسومين بتعديل حكومي واعفاء الوزير المعتوق 0 الأسهم الثقيلة صحّحت... قبل التصحيح 0 إيران توسع النووي وتؤكد امتلاك نحو 6 آلاف جهاز طرد 0 شركة طيران الجزيرة

حان الوعد ياللي تقول الوعـد حـان = هذا الزمن يطلع خفـى كـل مكنـون
العـز بيتـن لـه مداخـل وبيـبـان = عسر الطريق ولاحدن جـاه بالهـون
ولشعر ماقف مـع طويليـن الايمـان = وانا مع الميقـاف حاضـر وممنـون
من صلب راسي كـل ماثـار بركـان = هز الجبال اللي لهـا حيـود وركـون
لمطيـر حقـن فالقـوافـي والاوزان = يستاهلـون القـاف وافـي ومـازون
افعالهـم ترجـح علـى كـل ميـزان = غصبن عن الحساد وابليـس ملعـون
من طيبهـا يفخـر بهـا كـل ديـوان = عوق الخصوم اللي على الموت يردون
مطير فخر وعز فـي كـل الازمـان = حتى الضعـوف بضفهـم يستعـزون
تشهد لهـم كـل المواقـع والاوطـان = كم واحدن عقب الطمـع راح مغبـون
عذروبهم يـوم المغـازي والاكـوان = يـردون للمـوت الحمـر مايهابـون
صلفين بالماقـف وبالحـرب شجعـان = واليا اعتزوا عـن دربهـم مايـردون
يتلـون شيخـن يعرفـه كـل ميـدان = حتى النصارى فـي فعولـه يشيـدون
شيخن لياطال اللقـاء يقضـي الشـان = شيخ الجموع اللي بالامجـاد يحـرون
من اليمن لاطـراف بغـداد وايـران = ومن الخليج اليا وراء اهرام فرعـون
كلن يهابـه لانصـى الجمـع حدمـان = وحنـث علاهـم كلهـم مايروحـون
استسلموا له واعلنـوا لـه بالاذعـان = وطاعوا وهم اللـي قبـل مايطيعـون
تاريخه يشرف ولـه سيـف وعنـان = وعن زمرة التحريف والزور مصيون
صيت الدويش ابين من سهيـل لابـان = ومطيـر دايـم لاومراهـم يشيشـون
تاريخهم يروي ضمـى كـل ضميـان = دوم الفخـر والعـز فيـه يتـبـارون
سطوة عذاب وجمعـن يعـد طوفـان = محـدن يلـوم مطيـر يـوم يتباهـون
اهـل ثلاثـن للبـطـولات عـنـوان = يـوم القبايـل فالجزيـره يصـولـون
المعجزات اللي لهـا الحـق برهـان = يعدهـا التاريـخ والـلـي يـعـدون
مطير يـوم الوقـت والنـاس قومـان = يصلـون حـد خصومهـم ويتعـدون
فارسهم بوقـت المزاعـم والاضغـان = يوم الحدب لمزاعـم القـوم مسنـون
يعـد فالميـدان عـن عشـر فرسـان = وينكـس اللـي للـقـاء يستـعـدون
لوهـم قليليـن العـدد جالهـم شـان = يقفـون مـن دون الركايـب ويثنـون
تاريخهم فـي نجـد مافيـه جحـدان = كنه شعـاع الشمـس للـي يشوفـون
مركاضهم يشبع بـه الذيـب سرحـان = حيث ان فيه العز والنصـر مقـرون
والعفو عنـد المقـدره مالـه اثمـان = ميـزه لنـا يـوم العـداء يستقـرون
والبـل لنـا ونقولهـا سـر واعـلان = ماهمنـا فالوقـت صاحـي ومجنـون
حنا جنبهـا يـوم روغـات الاذهـان = يوم العـرب مـن دونهـا يستميتـون
حامينهـا بالعمـر والسيـف شامـان = من دونها خطـلان الايـدي يموتـون
واليـا نوينـا فالغزيـه علـى شـان = نكسب ونكسر شوكة اللـي يمـارون
نصبـح اعدانـا مـع النـور لابـان = ونحدهم حتـى مـن المـوت يقفـون
ونبـدا بعدهـا بالحـداوي والالحـان = ونقفي على مقهورها في ضحى الكون
ونصـور الاحـداث باشعـار واوزان = ونثني علـى اللـي للثنـاء يستحقـون
واليوم كل الناس فـي خيـر وامـان = في دولتن فيهـا العـرب يستجيـرون
فيها الشرع مسنون في صدق وايمـان = وحكامها فـي سلـم المجـد يرقـون
واهتموا بشان البـل وحطـوا زيـان = والنـاس قامـوا فالمزاييـن ينـقـون
وحنا هل الطالات في كـل الاحيـان = ميقافنـا كـل العـرب عنـه يـدرون
ندحم بضلعن ساعـة الضيـق مـالان = لين الخصـوم اللـي دحمنـا يلينـون
واكبر دليـل وكلمـة الحـق سلطـان = يـوم اعلنوهـا والجماهيـر يوحـون
الفوز بالنخبـه لـذود ابـن عشـوان = غصبن عن اللي حاضريـن يتحـدون
وصفر الحداري شاهد وخير برهـان = فازت مع اللـي فالمراكـز يفـوزون
اللي نجبها زيـن الاوصـاف عبـدان = على بعير مطيـر بالوصـف واللـون
اشوش معها وارفع الصـوت طربـان = واقول مركزها مع الصفـر مضمـون
ياطيب ماجـد جـاب غاليـة الاثمـان = في ساحتن فيهـا القبايـل يعرضـون
وابن غيام اليا حضـر صـار ماكـان = ماصار فاعوامن مضـت لازم يكـون
نقول لاهل الحمر من غيـر حقـران = المـركـز الاول لـنـا لاتـعـنـون
واليوم هابس جـاب زينـات الالـوان = وضحن كما نون له نصوب ومـزون
وحط المقـر وحـط لمطيـر ديـوان = وقامـوا بنـي عمـه بربعـه يهلـون
صكوا عليـه وكلهـم ربـع واخـوان = وقاموا على طيـب العلـوم يتناخـون
فوزه تحقق من قبـل يـوم الاعـلان = يوم ان ربعـه فـي محلـه يصكـون
هذا هـو الفـوز الحقيقـي للانسـان = اللـي بنـي عمـه عنـه مايصـدون
سهلن على اللي فالمواجيـب ماهـان = وصعبن على اللـي فالحيـاه يتمنـون
ورجلن بلا ربـع وجماعـه وخـلان = خسـران لـو عنـده ثمانيـن مليـون

إحصائية العضو

اخر مواضيعي

0 حدس الوحيدون يقاتلون من اجل صفقة الطائرات .. !! 0 ضاحي خلفان : إن حركت إيران خلاياها النائمه بالخليج سنحرك ألف خليه داخل ايران نفسها 0 طالب عدد من المساهمين جمعية الصباحية وزير الشؤون بدر الدويلة وقف تجاوزات الرئيس 0 اخر اخبار جلسة القروض 24/6/2008 0 ايران تجري تجربة صواريخ في اوج ازمة ملفها النووي

مافي سماء الاحزان منزل للافراح = ولاينفع اللي فات لو ندعيبه
وش حال الامه بعد مامجدها راح = ماباقيّن غير الجروح العطيبه
اقفى زمان اهل الفتوحات وانزاح = اللي لهم رهبه وسطوه وهيبه
اليا التقى الجيشين بسيوف ورماح = منهم كتيبه تهزم امية كتيبه
بفعولهم شبوا للاسلام مصباح = نور الهدى كل البشر تقتديبه
الروم بيرقها من فعولهم طاح = دكوا مواقعها وراحت حطيبه
والفرس يوم منادي المعركه صاح = هانت ولانت واسلمت بالغصيبه
هذي فعول اللي يبيعون الارواح = مايسكتون ويقبلون الغليبه
امّا يجي نصرن له النفس ترتاح = والا الشهاده تنكتب من نصيبه
وقتن مضى نلبس منه تاج ووشاح = تاج البطوله والفعول الرهيبه
لكن يبقى الحزن للقلب ذبّاح = لان الفرح مافيه شيّن يجيبه
اليوم اشوف صفوفنا سدها باح = وتصبر على جمر الزمان ولهيبه
قامت جيوش الكفر تمشي وتجتاح = والمسلمين جيوشهم مستصيبه
كم في فلسطين الخساير والارباح = وكم يركزون بكل ليله نصيبه
والا العراق اللي به الدم فواح = في كل ليله ثايرن به مصيبه
من بعد مابغداد للمجد مفتاح = مهد الحضاره كيف تنزف صويبه
في كل ليله نسمع صياح ونياح = حتى لذيذ النوم مانهتنيبه
الامه بوضعن محد منه مرتاح = وكل النفوس بوضعها مستريبه
استسلمت وانهارت وسترها زاح = ودموعها مثل المزون السكيبه
مغير هم وضيم وغبون وجراح = واتدور ايّا مسلمن تلتجيبه
حتى ظهر صوتن ينادي للاصلاح = منشاه من قلب الرياض الحبيبه
صوت الشجاع القرم كسّاب الامداح = العاهل اللي يعرف الكل طيبه
عبدالله اللي لصعيبات نطّاح = لاقام بامر الله تهون الصعيبه
طاريه برقن فوق روس العرب لاح = وكل العرب وقت الدرك تنتخيبه
رايه على عدواننا سمٍ ذحاح = بندق شجاعن رميها بالضريبه
ومبادراته كنّها النور وضّاح = من يوم يرسمها هدفها تصيبه
دم العروبه في شرايينه انساح = وغير النصر مافيه شيّن رضيبه
ولنصرة الاسلام والعدل طماح = ومنه المواقف ذي ماهي غريبه
يدعي لعقد القمه بصدق وانصاح = ومن شذ عن جمع العرب وش نبيبه
حكام الامه جابهم عزم والحاح = فالمملكه دار العقول اللبيبه
وجنّد جنودن للمقابيس قداح = تحسباً لايّات حاجه مريبه
واستبشروا فيهم وعطر اللقاء فاح = واستقبلوهم بالصدور الرحيبه
واتجهت انظار امةٍ مجدها راح = للمملكه والصوت واللي يجيبه
وكل يرجون لحظات الايضاح = من حاكمن كل الشعوب تحكيبه
ومن كلمته عادت على الناس الافراح = وتباشروا بوعود نصرن قريبه
وتذكروا مجدن مثل نور الاصباح = في سيرة امجاد الجدود العريبه
ويالله وعدك اللي ذكرته بالالواح = ومن يخذل الاسلام تردي نصيبه
وتحفظ مليكٍ لصعيبات نطاح = وتعز الامه والدعاء تستجيبه

إحصائية العضو

اخر مواضيعي

0 المؤشر يحظى بدعم عند 14600 ويقاوم عند 15 ألف نقطة 0 مجلس الأمة يختار اعضاء لجانه الدائمة 0 إيران: سنحدد حجم ردنا وسندمر قصور الأعداء الزجاجية 0 مهرجان هلا فبراير2008 0 ايران تجري تجربة صواريخ في اوج ازمة ملفها النووي

البارحه من قبل لايطلع النور = قدامي الافكار صفن طوابير
واخذتهن بالدور طابور طابور = وسطرتهن بالقاف من بعد تفكير
ولبستهن من شعري احساس وشعور = حتى غدن مثل السيوف البواتير
للشعر والشاعر مواقيف وحضور = ولكل ماقف مفردات وتعابير
بعض الليالي لو تعذرت معذور= وبعض الليالي ماتفيد المعاذير
انحت حجر واسبح بغبات وبحور = وانظم درر واصخر القاف تصخير
ماروح ادور زور من شاهد الزور = ولابيع ميقافي بحمر الدنانير
لي معجبين ولي من الناس جمهور = لو الشعر ماهو بكثر الجماهير
كم شاعرن من دون الاعلام مغمور = ارهى من اللي واردن جمة البير
بس القصيد اللي بالاعلام منشور = خلى يصير اللي مهو لازم يصير
لاقاضين عادل ولافيه دستور = ولو احسب النقاد كثر الصقاقير
لكن لاسوو ولاجالهم دور = والقافله يدهن لها السير وتسير
والخافي اعظم واكثر الناس مجبور = يساير العالم على الشر والخير
وش وخر اللي يحكم الراي والشور = ذخيرة اللي يحتمون المظاهير
ووش قدم اللي دايم يلف ويدور = اصبح هو اللي يقطع الراي ويشير
الشيخ من عنده عمارت وقصور = ويملك رصيدن ماتجيه المخاسير
اصبح يشب النار وقدوره تفور = ويقول انا عنتر وانا سالم الزير
وصكوا عليه اهل الرياء واصبحوا سور = وقالوا له انت اطلق شنب بالمناعير
وصدق ومنهم كل ماجاه مطيور = ماباقي الا ينفض الريش ويطير
يصرح ويعلن وفي زوده قصور = عشبن خضر لكن ماله نواوير
غادي ومن نهابة المال محصور = دايم على بيته ورود ومصادير
ويكرم ويهدي وفي ربعه يبور = واهل النفاق تقول مامنك تقصير
قدم العرب بالمد والجود مشهور = واليا عطى مده تعدى المعايير
وان جاله المحتاج يشكي من الجور = عطاه عذرن مثل روس المسامير
ومن شوفته في مجلسه دمه يفور = ولاوده بشوف الجماعه مسايير
لو انه اقرب له من الحلق لزور = واخير له من عابدين الدنانير
هو يحسب انه فاهقن كل مسطور = لكن ماله عند الاجواد تقدير
لاقول له صاحي ولاقول مسحور = بس الاكيد انه يسوق الفواتير
وحظي بري ماعم والعلم مقصور = على عظامن جبرت عقب تكسير
كم تاجرن ماله على الناس منثور = ريف الفقارى فالليال المعاسير
ماقصده انه يصبح انسان مشهور = يرجي جزاها من ولي المقادير
يالله عسى من يفعل الخير ماجور = والا المنافق ماله الا زمهرير

إحصائية العضو

اخر مواضيعي

0 ناصر الدويله : الضربة الأمريكية لإيران في الخريف 0 توزيع الاف الوحدات السكنيه في العام الجديد 0 الدستورية تؤجل جميع الطعون لجلسة 3 اغسطس للإطلاع على كشوف مجلس الأمة لنتائج الانتخابا 0 النواب المؤيدون والرافضون لإسقاط القروض 0 السعوديه ترغم السوريين على دفع ضريبه

ياوقت ياللي منحني كنك القوس=من سبتك شوف المعاليق يباس
في كل ليل يدق بالقلب هاجوس=والهم ياخذبي مع الوقت مرواس
ماضاق بك صدري من مصادم الروس=ولابيدوا حيلي بعيدين الارماس
بك عالمن تمشي على كل قاموس=وعلومهم ماتنحصر بين الاقواس
شبوا لهم من منور الكذب فانوس=وحطوا لهم من جاحد الحق نبراس
والطيب ثوبن للمشاكيل ملبوس=والاالردي ماهو على العين والراس
مرافق الرديان مافيه ناموس=ماينفعونك لاصبح الوضع حساس
والضرس لامنه دخل وسطه السوس=كل الضروس تلج ويصدع الراس
ولاني مفتش في خفى كل مدسوس=ولاني براعي صحبتن مالها ساس
اخذت من وقتي تجاريب ودروس=وعرفت وشلون التعامل مع التاس
محدن يعزك كان ماعندك فلوس=واسمك مع اهل المصلحه بنك الافلاس
لو انك مفرق جمع كل كردوس=ومن روس قومن تلبس الدرع والطاس
هذا زمانن كل مافيه معكوس=حتى الرجاء ياقف على بابه الياس

إحصائية العضو

اخر مواضيعي

0 سفن الأمير تنعش ذاكرة الغوص 0 ايران تجري تجربة صواريخ في اوج ازمة ملفها النووي 0 إيران توسع النووي وتؤكد امتلاك نحو 6 آلاف جهاز طرد 0 تقارير يوميه حول الحرب الايرانيه الامريكيه 0 مشروع العاصمه العالمي الجديد بتكلفة 280 مليون دينار كويتي ...

إحصائية العضو

اخر مواضيعي

0 الشركة الوطنية للطيران ... ش م ك ,,, 0 السعوديه ترغم السوريين على دفع ضريبه 0 الى اعضاء المجلس البلدي المحترمين 0 الدستورية تؤجل جميع الطعون لجلسة 3 اغسطس للإطلاع على كشوف مجلس الأمة لنتائج الانتخابا 0 سوال مهم جدا

إحصائية العضو

اخر مواضيعي