هذي القصيده للشاعر محمد بن حمدي الميموني أعجبتني وحبيت انقلها لكـم لعلها تنال اعجابكـم ؟؟
اسنيني الأوله تشكي من أخرها = والعين تبكي على وقتن مضى دوره
وقتن به الناس صافيتن ضمايرها= ونفوسهم مع مرور الوقت مسروره
وياهاجسي حضر الأبيات حضرها = الشعر ماكادني وأغوص فبحوره
هات البيوت النوادر من مصادرها=والشعر قدام عيني شب تنوره
يالين فوق الورق بالحبر أسطرها = وألعبها في يديني لعبت الكوره
شرد القوافي ليا غنيت أصخرها= وتطيعلي والقمر نمشي على نوره
شاعر وبالشعر خلق الله مشّاورها = ومن يبدي الشور ليه مستمع شوره
وأهل المزامر تزمر في مزامرها = وتسير الاقدام والأعلام منشوره
والناس معروف مسلمها وكافرها= ونفوس متواضعه ونفوس مغروره
والخلق ماهي بكيفي لجل أضيرها = وتصير بيدي منهيه وماموره
ماهي على الكيف أبنهاها وابأمرها= كلن على رايه ويمشي بدستوره
وناسن مع الوقت ثوب العز ساترها = وناسن لك الله مهي بالوقت مستوره
والكلمه الوارده لاجات أصدرها = على الذي قالها لو تجرح اشعوره
ياللي لك اسنين والغلطه اتكررها = تقول نفسك على الزلات مجبوره
السالفه لاتطول ولاتقصرها = اديار يسمح بها وديار محظوره
وان كان به كلمتن بالصدر حاشرها = لاخير في كلمتن بالصدر محشوره
قلها وجب باطن القصه وضاهرها= كلن ليا مد مده حسب مقدوره
والا اترك الخلق لاتقعد اتقاشرها = قدام يبرك عليك اشعيل في زوره
وان عودت للقصايد ولنوادرها =الشعر ماكادني وأغوص فبحوره
وشعار هالوقت تطلعها مضاهرها = بالابتسامه وحلو صوت والصوره
وياقل منهو بيوت العز عامرها = والابيوت الردى بالكذب معموره
دمــــتــــــــــم بــــــووود
آخر 10 مشاركات
الشعر ماكادني وأغوص فبحوره 
العرض العادي
